跑步

今朝大欖涌起跑本來順風順水，點知去到吉慶橋又係「烈陽神功」硬食曝曬。過咗大棠 CP1 體力見底，啪晒 Gels 都無補於事，上「麥十」山路心率飆過 150bpm，PB 夢碎之餘，落斜仲要玩「老抽」焗住停低拉筋！最後咬緊牙關以 3:24 衝線關帝廣場。雖然時間比舊年慢，但歲月不饒人，調整心態無傷無痛完賽已係另一種勝利。即睇今次大欖涌至麥十越野賽嘅有血有汗全紀錄

自從三年前疫情完結之後，唔知點解，每年一到春末季尾，個人總係特別提唔起勁。今年 2026 感覺仲嚴重咗，有時自己都會諗：唔通真係體能跌 Watt？定係因為自己準備邁向「登六」之年，身體好誠實咁話俾我聽歲月不饒人？

印象中，每年的三、四月間仍是暮春時節。還記得去年（2025年）整個三月總是乍暖還寒，日夜溫差頗大。三月三十一日早上，氣溫竟然還能降至十四、五度，當天我正參加一場短途越野山賽「Space Tunnel Run 15km」